Why Crypto Go GO Far This Year

Why You Suppose Dey Bullish on Crypto

Since 2022 bear market, Crypto don move from $1.5 trillion to $3.3 trillion.

Na almost $2 trillion gain just like that!

If anybody still dey doubt whether crypto get future, this kind growth don already give them answer.

Even during bear markets when things dey slow and price crash, the industry still dey hustle, dey build, and dey move forward. Because make we talk true—most people go rush enter crypto when market dey sweet, but once bear market show, dem go vanish.

For years, crypto believers don dey shout say blockchain go change the world, but e be like say na only small group of people really understand wetin dey happen. E no be their fault sha. Maybe our early ginger bin dey too much, but one thing sure—2024 don lay solid foundation for a crypto future wey go far beyond just speculation!

Why We Believe This?

For the first time, governments and big institutions don start to embrace crypto. Scalable, fast, and cheap blockchains don finally become reality—something we don dey chase for years.

No be just hype again, we now get real-world applications wey dey solve practical problems and offer better solutions than traditional systems. On top of that, global economy dey stabilize, and 2025 fit be the breakout year for tech innovations. Crypto dey among the top contenders to lead this next wave, no be just for one year, but for a long time.

Even if prices drop or economy shake again, crypto no go just collapse like before. This time around, perception don change, and we go explain why. We go also show why, when we look back, 2024 go stand out as that year wey shift everything for crypto. This na the moment we don dey wait for. E be like say that early hope and belief wey we get don finally get serious backing. Now, crypto OGs don dey build with confidence, because real adoption don start.

Welcome to the new crypto era!

BUT WAIT O Before we fully enter celebrate this new trend, make we first give context about how e be to build in crypto before now. Some of the challenges go shock you!

Wetin eyes de see before BUILDING IN CRYPTO BEFORE 2024

Crypto no be easy ride at all. E don face serious wahala—some wey even make people give up. Make we break down three major problems wey the industry don battle.

  1. Open-Source Coding
    2. Crypto de on top blockchain way be something way many people fit see at all times. This means say your code everything go dey visible to everybody. Now if you write some code for your app or even to help people to use crypto more easily, but if bad people misuse am, na you dem go blame. See Roman Storm, one developer wey work on Tornado Cash (a privacy-focused crypto project). E no even know say criminals dey use e code do bad things.

    When authorities contact am, e cooperate with dem. But one morning, SWAT team from US land for e house, arrest am in front of e small pikin, and carry am go. Now, e fit spend decades for prison. This matter raise serious question—if person misuse code wey developer write, shey na the developer suppose suffer am? Because of this many developers and tech companies leave crypto.

  2. Banking Wahala.
    3. Imagine say u wake up one day and your bank account don freeze—just because you dey do crypto business. No be story, na real-life problem. Many crypto companies and individuals don face this thing especially for naija here.

    Banks dey see crypto as risk, and our government too no help the matter, so dem fit just close person account without warning. E no make sense, and e no dey fair.

  3. SEC and "Unregistered Securities" Problem
    4. Meanwhile, SEC dey para for crypto projects, dey drag dem for court, say dem dey sell unregistered securities.

Na so person wey start small crypto business go wake up one day, only to realize say e don turn court case. Big names like Binance and Coinbase fit fight the legal battle, but what about smaller projects like Uniswap or Lido? Many teams don gas out, spend money wey dem suppose use build, just to defend themselves. This one no be only financial wahala, e dey kill motivation and trust for the industry.

Una see how e be for crypto? The joy be say EVEN WITH ALL THESE PROBLEMS…

Somehow, crypto builders still push through. Many projects move go countries wey dey more friendly to crypto. E no suppose be like that, but we believe say things don begin change. Now, make we explain why we feel say those challenges dey behind us!

BUILDING IN CRYPTO AFTER 2024: A NEW ERA

The dream? A future where crypto founders no go dey run from government. Where countries go dey compete to attract crypto businesses with better policies and support.

This new wave go make crypto development safe, encouraged, and widely accepted. E fit sound too good to be true, but make we gist you why we believe say e dey happen already:

Continue Reading

  1. The Trump Effect

    2. Trump don dey use crypto as campaign strategy since 2024. At first, people no sure whether na just to gain votes or if e really support the industry.

    But now, e be like say the picture don clear. This one na just the beginning. Crypto don enter new phase, and e no go ever remain the same again.

    Also, since Trump win election, e still dey show strong support for crypto.

    That one don make am clear say no be just campaign talk—e be like say the man really wan push crypto forward. And e no stop there.

    From the look of things, Trump dey plan some serious restructuring for the U.S. government and economy. Two major problems wey e wan tackle:

  2. The U.S. Government Too Slow and Inefficient

    3. Trump don outline big plans to shake things up. E wan cut down government bureaucracy, reduce regulations, and make things more efficient and cost-effective.

    Hello Elon and DOGE! No be the memecoin o! But a new department wey dem dey form, and dem don already dey look blockchain technology—names like AVAX and other top decentralized blockchains don enter discussion. And as we all sabi, e no too wise to bet against Musk!

  3. The U.S. Debt Wahala & Tech Leadership Battle

    4. America debt dey increase every day, and dem dey lose technological ground to China. For example, China don dey lead in AI tech like DeepSeek AI. Trump don realize say if America no boost GDP, the debt go just dey pile up, and dem go lose their global leadership. The only way forward na to prioritize innovation and emerging technologies—because na wetin go boost productivity and make GDP grow faster.

    So Wetin This Mean for Crypto? Trump dey put pro-business, pro-crypto technologists for key government positions. This one no be play—e mean serious policy shift wey fit favor crypto big time.

    Crypto's Future Dey Shine Brighter The signs dey clear—e be like say U.S. don finally begin take innovation, including crypto, serious.

    Yes, other countries dey make moves for crypto, but make we no deceive ourselves—the U.S. na the real oga for global finance. If America embrace crypto and create friendly policies, e no go just help the industry grow—e fit change the entire game for everybody. Wahala for who still dey doubt crypto!

Did you like this post?